భారతీయులు వలస వచ్చారా?

మనం చరిత్ర చదివితే అందులో "భారతీయులు ఎక్కడో ఆఫ్రికాలో పుట్టిన జాతి/ మధ్యాసియాలో పుట్టిన జాతి అనీ, అక్కడి నుండి మన ఫూర్వులు వలస వచ్చార”నీ పాశ్చాత్య చారిత్రకులు రాసిన రాతలు చదువుతాం.
కానీ, "ఇదంతా తమను భారతీయులు వలసవచ్చినవారని అనకుండా,"మనమంతా వలస వచ్చినవారమే" అనేందుకు వేసిన పథకం " అని మన చారిత్రకులు చెబుతారు.అందుకు వారు పురాణాలను ఆధారంగా చూపుతారు.కాని, పురాణాలు ప్రమాణంగా అంగీకరించరు.వారికి ఆధునిక శాస్త్ర్రాలే ప్రమాణం.
మన విశ్వనాథ సత్యనారాయణ సిద్దాంతంలో- అసలు మానవ జాతి అంతా భారతదేశంలోనే పుట్టింది.వారి ప్రకారం-
ఎవరో కొందరు ధర్మ విరుద్ధంగా ప్రవర్తిస్తారు.అటువంటి వారిని మ్లేఛ్ఛులు అంటారు.మ్లేఛ్ఛులు అనే మాటకు భ్రష్టులు అని అర్థం.అంటే ధర్మ భ్రష్టులని భావం.అటువంటి వారిని మనం దేశబహిష్కారం చేసాం. ఇక్కడినుండి తరిమివేయగా వెళ్ళిన వారికి మనమంటే ఉక్రోశం.కడుపు మంట.అందుకే అక్కడ వాళ్ళు మన ఆచారాలకు,నమ్మకాలకు వ్యతిరేకంగా ప్రత్యేక సంస్క్రృతిని నెలకొలిపారు.కాబట్టి మనం వలస వచ్చినవాళ్ళం కాము,వాళ్ళే ఇక్కడినుండి వేరే దేశాలకు వలస వెళ్ళారు.
ఈ సిద్ధాంతాన్నే బలపరుస్తూ- డా.రామక పాండు రంగ శర్మ(భాషాసాహిత్య పరిశోధకులు) భాషాశాస్త్ర ప్రమాణాన్ని ఉదహరించారు.అదైతే- ఆధునిక శాస్త్రం కదా.అందరూ ఒప్పుకోవాల్సి వస్తుంది.
మనమంతా - మానవులం. "మానవ" అనే పదం సంస్కృత పదం.ఆ పదానికి వ్యుత్పత్తి-
మను+అ=మానవ; మను+స్య=మనుష్య.
అంటే- మనువుకు సంబంధించినవారు అని అర్థం.
మానవులంతా ఎలా బ్రతుకాలో తెలుపుతూ మొదట నిర్దేశించినవాడు- మనువు.మనువు చేత ధర్మ నిర్దేశం చేయబడినవారిమి కాబట్టి మనకు మానవులు/మనుష్యులు/మనుషులు అని పేరు.
ఇక పాశ్చాత్యులకు ఇంగ్లీష్ లో కూడా-
మానవుడు=MAN.
మానవ స్త్రీ= woman.

మను అనేది Man అవుతుంది.
అట్లే- మను లోని పదాంత ఉకారం పదాదిన చేరి Woman ఔతుంది.
అంటే- మను-->man/Woman.
కాబట్టి వారందరూ మనువుకు సంబంధించినవారని అర్థం.

కాబట్టి- పాశ్చాత్యులూ ఈ దేశం లోనే పుట్టిన "మానవులు(మనువుకు సంబంధించినవారు)".
కాబట్టి- భారతీయులు ఎవరూ వలసవచ్చినవారు కారు,పైగా ఇక్కడినుండే అందరూ వలస వెళ్ళారు అనే సిద్ధాంతం అందరూ ఒప్పుకోవలసి వస్తుంది.